KIROLAREN EZAUGARRIAK, ESKAKIZUN FISIOLOGIKOAK ETA MEKANIKOAK

ESKU PILOTAREN PARTIDUEN EZAUGARRIAK
Partiduaren iraupena (binaka)	70'
Joko erreala (binaka)	20-25'
Atsedenaldiak (5)	2'
Tanto iraupena banaka/ binaka	35'' / 60''
Tantotik tantorako atsedenaldia	50''
Tantoko pilotakadak (binaka)	18
Pilotakadatik pilotakadara	3-4''
Aurrelari/Atzelari parthartzea (40/60%) (binaka)	8,5/5,5"
Pilotari bakoitzaren pilotakada kopurua (binaka) (Usabiaga,2003)	187
Desplazamenduak (36 x 10m kantxa) intents. Max. (Usabiaga,2003)	4-8 m

(Solozabal,2000)

ESKU PILOTAKO PARTIDUEN ESKAKIZUN FISIOLOGIKOAK ETA MEKANIKOAK:

·

   Kontribuzio energetikoa: Esku pilota esfortsu kardiobaskular handiak eragiten dituen kirola baina gora behera handiak daude intentsitateari dagokionez. Hau ikusirik esku pilota kirol aerobiko- anaerobiko aldizkatua dela esan genezake. Esfortsu aerobiko eta anaerobikoaren bariabilitate hau partiduaren eta tantoen iraupenaren araberakoa izango da.

  VO2max: Gaur egungo pilotariek potentzia aerobiko altua izan ohi dute, 64,7 +- 2,9 ml/kg/min edo altuagoa (Bringas,1997). Azken bi hamarkadetan hobekuntza handiak eman dira arlo honetan.

 Bihotz maiztasuna: Normalean aurrelariak atzelariak baino bihotz maiztasun handiagoak erregistratzen ditu, partidu erdia bihotz maiztasun maximoarekiko %83ra igarotzen duelarik, 177p/min-ko mediarekin eta 198 p/min-ko maximoarekin. Atzelariek 158p/min-ko media eta 183p/min-ko maximoa erakusten dute (Martinez Zazo,1991).

  Laktato kontzentrazioa odolean: Laktato kontzentrazioak ez dira handiak, tantotik tantora eta pilotakadatik pilotakadara denbora tarte bat igarotzen delako zeinean pelotaria intentsitate moderatuagoan arituko den. Bikoteka ez dute umbral anaerobikoa igarotzen, aurrelariak 3,1mmol/l eta atzelariak 2,0mmol/l (Gandia y Padilla,1986). Banaka ordea laktato kontzentrazio hori igo egiten da.

       Bide metabolikoaren inplikazioa esfortsuaren arabera:

o         Anaerobiko alaktikoa: pilotaren kolpatzea eta sprint laburrak.

o         Anaerobiko laktikoa: Kolpeen batuketa eta sprinten batuketa.

o         Aerobikoa: Partiduaren iraupena.(Urdanpilleta,2012)

 %VO2max-a umbral anaerobiko indibidualean: Aipatu dugun moduan aspektu aerobikoaren hobekuntza, hau da, potentzia aerobikoa, ezinbestekoa izango da baina zentzu honetan umbral anaerobikoaren hobekuntzak ere garrantzia hartuko du, modu honetan anaerobikoak diren esfortzuak aerobiko bilakatuko direlako. Hau modu honetan eginez, nekea atzeratzea lortuko dugu, errekuperazio gaitasuna hobetuz, entrenamenduak hobeto asimilatuz eta efizientzia teknikoa denbora luzeagoan mantenduz. Esku pilotan umbral anaerobikoaren abiadura 12km/h-koa da.(Urdampilleta,2012)

    Muskulu zuntzak: Kolpean indar explosiboa ezinbestekoa denez, besoetan, bularrean eta sorbaldetan FT fibrak lantzea izango litzateke egokiena.  Hanketan, desplazamendu laburrak eta azkarrak egin behar direnez FT fibrak ere landu behar dira. Bestalde, partiduaren iraupenari aurre egiteko eta azido laktikoaren kontzentrazioari hobeto errekuperatzeko ST zuntzak ere landu behar dira, gehiegi hipertrofiatu barik abiadura ez galtzeko eta entrenamendua kapilarizazioara bideratuz.

 Muskuluen partaidetza: Gerritik beherako muskuluek, gluteoek, kuadrizepsak, abduktoreek eta bikiek batez ere berebiziko garrantzia izango dute desplazamendu azkarretan, kolpean, irteeretan eta abiadura bapatean gelditu behar denean. Gerritik gorako muskuluek kolpean eragingo dute, pektoralek, deltoideek, sorbaldako errotatzaileek, bizepsak eta besaurreak keinu teknikoan eragingo dutelarik. Lunbarrek, abdominalek eta errotatzaileek hanketatik transmititzen den indarra bideratuko dute, hau areagotuz.